Kastanjelaan - Persveurlichter Edwin te Pas het names de Riddaksie van De Vasteleer vanmarge 't allereerste eksemplaar van de Stökkumse Carnavalskrant "De Vasteleer" uutgereik aan Prins Alberto den Eerste van De Leertrekkers. Umdat zowel de uutreiker as de ontvanger van de krant te kötte ermpkes hadde um bi-j mekaar aan anderhalve meter te komme, ware d'r wat hulpstukke nödig um aan de nödige anderhalve meter te komme, maor uuteindeluk is 't geluk um de allereerste krant zonder beschadiginge bi-j de prins te kriege!!
Edwin garandeerde bi-j ’t uureike dat dizze Vasteleer MET AFSTAMD de beste van de letste 11 jaor was!! Prins Alberto kon dit beame en was d'r onmundig bli-j met datte de eerste krant moch ontvange en bedankte alle metwarkers, maor óók alle adverteerders veur hun inzet en steun aan de totstandkomming van dizze mooie krant!!
De Vasteleer zal dizze dage bi-j iedereen in Stökkum op de deurmat achter de vöddeur valle. Mochtie de krant niet hemme gekrege: Achterin de kerk wodde extra eksemplare neergeleg of doe anders effe 'n mailtje naor: en natuurluk isse ook digitaal te bewondere via Leertrekkers !!
Dit jaor in ´t midde gin poster van de prins, maor wél ´n poster dén ow toch ´n bietje carnavalsgevuul bezörg. Hang dizze poster met de carnavalsdage veur de roet en laot daormet zien da´j ondanks alles óók dit jaor met hart en ziel bi-j de carnaval betrokke bunt..dat alles natuurluk onder ´t spesjale motto van dit jaor: ’T fees kan beginne, want wi-j blieve binne!!”
